Биыл мамырда Қазақстан экспорты рекордтық көрсеткішке жетті
НҰР-СҰЛТАН. ҚазАқпарат – Еліміз тауар экспорттаудан рекордтық көрсеткіш орнатты, деп хабарлайды ҚазАқпарат ҚР Ұлттық экономика министрлігіне сілтеме жасап.
Ведомство жариялаған мәліметке сәйкес, 2022 жылғы мамырда Қазақстанның тауар экспорты 7,7 млрд АҚШ долларын құрады.
Мұндай айлық экспорт көлемі 2014 жылғы ақпаннан бері болмаған. ($7,9 млрд).
Мұнай, металл және ауыл шаруашылығы өнімдерінің тұрақты жоғары бағасы Қазақстанға 5 ай ішінде $34,2 млрд экспорттық пайда әкелді.
Бұл өткен жылғы 5 айлық көрсеткіштен 59%-ға немесе $12,7 млрд-қа артық, деп хабарлап отыр ERI сарапшылары.
Қазақстанның экспорттық сатылымы өсті:
Мұнай - 91% немесе $9,6 млрд
Ферроқорытпа - 61% немесе 529 млн
Мыс катодтары - 25% немесе 318 миллион долларға
Бидай - 61% немесе 322 млн
Уран - 2,6 есе немесе $497 млн
Күкірт - 3,3 есе немесе $238 млн.
Аталған тауарлар ел экспортының 90% өсуін қамтамасыз етіп, жиынтығында $11,5 миллиардтық өсімді көрсетті.
Ұн (+$135 млн), күкірт (+$238 млн) және сұйытылған газ (+$94 млн) экспорты көлемінің өскенін атап өтеміз.
Елдер бөлінісінде экспорт өсті:
Италияға - 2,9 миллиард долларға
Қытайға - $ 1,5 млрд
Оңтүстік Кореяға - $1,3 млрд
Түркияға - $1,1 млрд.
«Жалпы Еуроодаққа жеткізу $5,8 млрд-қа және Азия елдеріне $5,2 млрд-қа өсті, бұл екі бағыт қазақстандық экспорттың 87% өсімін қамтамасыз етті. Ал еліміздің ЕАЭО елдеріне экспорты қаңтар-мамырда 0,9%-ға төмендеді», - дейді министрліктен.
Дереккөз: inform.kz
